Sagues (Donostia)
| Sagues | |
|---|---|
 Euskal Herria | |
 Sagues auzoa Zurriolako hondartzatik ikusita. | |
 | |
| Kokapena | |
| Herrialdea |  Gipuzkoa |
| Udalerria | Donostia |
| Administrazioa | |
| Posta kodea | |
| Geografia | |
| Koordenatuak | 43°19′40″N 1°58′15″W / 43.32782°N 1.97075°W |
| Demografia | |
Sagues Zurriola hondartzatik Ulia mendiko magaletara zabaltzen den Donostiako Gros auzoko auzunea da.[1] Bertan daude, besteak beste, Zubiri-Manteo institutua eta Donostiako Hizkuntza Eskola Ofiziala.
Historia[edit | edit source]
Sagues auzoak Eusebio Saguesengandik hartu zuen izena; 1920ko hamarkadaren hasieran eraiki ziren etxebizitza gehienen sustatzailea izan zen bera, eta horiek emango zioten auzoari bere oinarri soziala. Horren aurretik, hiltegiaren ingurua edo Zemoria edo Cemoriya izenez ezagutzen zen, bertan zegoen baserriagatik. Orduko kosta-lerroari eta San Blas eta Zemoria kaleei jarraituz, garairako altuera handiko zenbait bloke eraiki ziren, orduko udal-ordenantzetan lehen mailakotzat jotzen zen profiletik hurbil, eta aurrealde horrek gaur egun Sagues izenez ezagutzen duguna osatuko zuen. 1922-1925 urteen artean zona nahiko degradatua zen, hiriak mespretxagarritzat dituen gizarte maila guztiak eta marjinetan sortzen diren aktibitateak, orokorrean, bazterretan azaldu ohi dira eta. Auzoa eraisteko asmo oso biziak izan ziren 1930eko hamarkadaz geroztik. Juan Machimbarrena, udal lanetako ingeniaria eta Gros-Kursaal-Ategorrieta zabalgunearen egilea, figura nagusi bat izan zen auzoa jaio zenetik «udal administrazioaren izen onerako lotsa arrazoi konstantetzat» jotzen zena eraisteko egon zen borondatea ulertzeko.[2]
Kaleak[edit | edit source]
Kaleak[edit | edit source]
- Jose Migel Barandiaran pasealekua
- Luis Pedro Peña Santiago pasealekua
- Nafarroa hiribidea
- San Bladi kalea
- Tomas Alba plaza
- Zemoriya kalea
Zabalguneko ekitaldiak[edit | edit source]
Hainbat ekitaldi antolatzen dira urtean zehar Sagueseko Tomas Alba zabalgunean; besteak beste, hauek:
- San Juan sua edo Donibane jaia.[3]
- Donostiako Aste Nagusiko kontzertu nagusiak.
- Erakusketak eta aldi baterako jatetxeak, Garagardo azoka, esaterako.
- Kirol- edo aisialdi-ekitaldiak.
- Haurrentzako ekitaldiak.
- Zirkoa...
-
2017ko San Juan Sua -
-
-
Jendea lizarraren azal zatiak hartzen -
-
-
Solstizioko eguzkia Saguesen -
2023ko San Juan Sua
Erreferentziak[edit | edit source]
- ↑ «2010eko HAPOaren baitako auzoen mugapena» www.donostia.eus (Noiz kontsultatua: 2023-08-15).
- ↑ Ocamica, Iñigo. (2023-08-10). «Sagues, hiriaren eta itsasoaren arteko atalasea» naiz: (Noiz kontsultatua: 2023-08-14).
- ↑ Uliako Auzo Elkartea. (2023). «San Juan sua (Sagues - 2023)» blogak.eus (Noiz kontsultatua: 2023-08-14).
Ikus, gainera[edit | edit source]
- Gros
- Okendo etxea
- Ulia mendia
- Uliako parkea
- Ulia
Kanpo estekak[edit | edit source]
- San Juan sua (Sagues - 2023)
- San Juan gaua 2017 Sagueseko Tomas Alba zabalgunean Ulia auzo-elkartea (2017-06-23)
- Okendo kultur-etxea
- Zubiri-Manteo institutua
Datuak: Q12266759
 |
Euskarazko Wikipedian bada atari bat, gai hau duena: Donostia |
|
Donostiako auzoak |
|
|---|---|---|
|
Aiete (Bera-Bera • Miramon-Zorroaga ) • Altza ( Herrera, Larratxo ) • Amara • Amara Berri ( Loiolako Erriberak, Morlans ) • Antigua ( Benta Berri, Lugaritz ) | ||